Banda Neira otabâ Banda Naira iyâ arèya sala sèttong polo vulkanik sè bâḍâ è gugusan kapoloan Banda, Maluku. Polo arèya pajhât lèbur bân èksennengè orèng polana polo rèya asrè. Banda Neira jughân nyèmpen jejak-jejak sajhârah jhâman lambâ'. Mènorot administratif aropaaghi posat kacamadhan Banda, Kabhupatèn Maluku Tenga, Provinsi Maluku. è Banda Neira bâḍâ 12 dhisa kalabân jumla penduduk sakitar 14.000 orèng.[1]
Maskenah Banda Neira nèka bânni polo sè palèng rajâh, tapè Banda Neira nyimpen keindahan alam, soghi hasèl bhumèna, lengkap bân sajhârânah. Jhâjhâl è bâbâ rèya se tamasok kabâḍâânna Banda Neira.
1. Polo sè ngasèllaghi pala
Molaè lambâ' Banda Neira la dhadḍhi kennengan se ngasèlèn pala, sampè' Banda Neira nèka è sebbhut tong-sèttongnga kennengan sè ngasellaghi pala nèng è dhunnya. Pala sè pajhât ḍâddhi daya tarik ka bhângsa Eropa, enga' Spanyol, Portugis, bân Inggris.
2. Toman ajhâjhâ Bhângsa Eropa
Banda Neira toman ajhâjhâ Bhângsa Eropa polana rajâh hasèl bhumèna otamana pala bân rempah-rempah laènna. Bhangsa Eropa sè samolana ḍâtâng kaangghuy adhaghang tor mellè rempah-rempah kaangghuy è jhuwel pole, coma bhangsa Belanda temmo dâtâng kaagghuy ngoasaè polo nèka, namong masyarakat sekitar aberri' perlawanan ḍa' Bâlândha. saènggha bhangsa Inggris sè dâtâng aghunaaghi kasempadhân rèya kagghuy alabân Balandha.
parkara rèya salanjuttha pas dhâddhi sabâb bâdâna perang sè cè' abitdhâ molaè taon 1609 sè melibatkan rakyat Banda tor èbhânto Inggris kaagghuy alabân Belândha.
3. Monumen Parigi Rante
Banda Neira ngaanḍi' sajârâh kelam pembantaian saudagar-saudagar rempah. Pembantaian arèya èlakonè penjâjâh Eropa sopajâ bisa ngoasè hasèl bhumè sè aropaaghi rempah-rempah. Bânni ghun abantai, namong tak sakone' ḍâri rakyat sè èkerem ka Polo Jhâbâ kaagghuy èpadhaḍdhi bhuḍâk. Kaangghuy sajârâh panèka ḍaddhi pas èbangun monumen Parigi Rante.[2]
© MMXXIII Rich X Search. We shall prevail. All rights reserved. Rich X Search